বস্তুবাদী সমাজৰ গতিপথত ক্ৰমাৎ ব্যক্তিকেন্দ্ৰিক হৈ পৰা মানৱ জীৱনৰ পৰা ফালৰি কাতি মানৱ কল্যাণৰ চূড়ান্ত নিদৰ্শন দেখুৱালে যোৰহাটৰ এজন বিশিষ্ট ক্ৰীড়া সংগঠক ধৰণী বৰদলৈয়ে। মৃত্যুৰ আগমূহুৰ্তত চিকিৎসা বিজ্ঞানৰ ছাত্ৰ-ছাত্ৰীসকলৰ পৰীক্ষাৰ বাবে দান কৰি থৈ গ’ল দেহ।
সমাজৰ কল্যাণৰ বাবে তথা অঞ্চলবাসীলৈ আগবঢ়ালে সকলো স্থাৱৰ-অস্থাৱৰ সম্পত্তি। এটা ন্যাস গঠন কৰি চিৰকুমাৰ ধৰণী বৰদলৈয়ে নামঘৰ, অনাথ শিশু সকলৰ সেৱা আশ্ৰমৰ বাবে তেওঁৰ সকলো সম্পত্তি দি থৈ যায় । যোৰহাটৰ বিভিন্ন সামাজিক অনুষ্ঠানৰ লগত জড়িত বৰদলৈৰ মৃত্যুত অঞ্চল জুৰি শোকৰ ছাঁ পৰিছে।
Input & Photo: Rituraj Phukan
