শনিবাৰে দিল্লীত এটা কোচিং চেণ্টাৰৰ চাদ খহি ৫জন ছাত্ৰৰ মৃত্যু হয়। আৰক্ষীয়ে জনোৱা অনুসৰি গোকলপুৰ ভজনপুৰাত সংঘটিত হৈছে এই ঘটনা। দুৰ্ঘটনাটো সংঘটিত হোৱা স্থানত এটা কোচিং চেণ্টাৰ চলি আছিল আৰু হঠাতে খহি পৰে চাদ। দুৰ্ঘটনাটোত আহত হোৱা কেইবাজনো ছাত্ৰক হাস্পতালত ভৰ্তি কৰোৱা হয়। বৰ্তমানেও অব্যাহত উদ্ধাৰ অভিযান। কোচিং পৰিচালকো এই দুৰ্ঘটনাটোত গুৰুতৰভাৱে আহত হয়।
দিল্লীৰ মুখ্যমন্ত্ৰী অৰবিন্দ কেজৰিৱাল ঘটনাস্থলীত উপস্থিত হয়। টুইটাৰযোগে এই কথা জনায়। বৰ্তমানলৈ ১৩জন লোকক হাস্পতালত ভৰ্তি কৰোৱা হয়। বৰ্তমানেও ৩জন ছাত্ৰ সন্ধানহীন। উদ্ধাৰ অভিযান অব্যাহত।
Photo credit: latestly.com
