কেব অনুমোদিত হোৱাৰ পিছতে জুইৰ দাৱানল উঠিছে সমগ্ৰ ৰাজ্যত। ঐক্যবদ্ধ হৈ আন্দোলনত নামিছে সকলো। বৰ্তমানে হৈ থকা শীতকালীন বিধানসভাৰ চৌহদতো প্ৰতিবাদ বহু লোকৰ। দিছপুৰ লাষ্টগেটতো কৃষক মুক্তি সংগ্ৰাম সমিটিৰ কেব বিৰোধী উত্তাল প্ৰতিবাদ। য’ত মিলিত হৈছে শ শ লোক। দূৰদূৰণিৰ পৰাও লোক আহি একেলগে নামি পৰিছে এই প্ৰতিবাদত।
উল্লেখ্য যে আৰক্ষী প্ৰশাসনৰ সন্মতি লৈয়ে অহিংসভাৱে প্ৰতিবাদত নামিছিল যদিও বহু ঠাইত প্ৰতিবাদকাৰীৰ কেইবাখনো বাছ আবদ্ধ কৰি ৰাখে আৰক্ষীয়ে। গোৱালপাৰা জিলাৰ বিভিন্ন ঠাইত কৃষক মুক্তিৰ ১৯ খন বাছ আবদ্ধ কৰিছে আৰক্ষীয়ে। দিছপুৰত হোৱা কৃষক মুক্তিৰ বিশাল প্ৰতিবাদী কাৰ্যসূচীত যোৱা পথত আবদ্ধ কৰিলে বাছ কেইখন। ঠায়ে ঠায়ে প্ৰতিবাদী কাৰ্যসূচী ৰূপায়ন। আগিয়াতো উত্তাল প্ৰতিবাদ কেব বিৰোধী প্ৰতিবাদকাৰীৰ।
