কৰ’ণা ভাইৰাছৰ দৰে মহামাৰী সংকট দূৰ কৰিবলৈ দেশত এতিয়া বলবৎ লকডাউন। এই সময়ত বিনা কাৰণত ঘৰৰ পৰা বাহিৰলৈ ওলোৱাৰ ক্ষেত্ৰত বাধা প্ৰদান কৰা হৈছে, ৰাজধানী দিল্লীত ১৪৪ ধাৰা জাৰি কৰা হৈছে। ইয়াৰ মাজতে দিল্লীৰ পৰা এটা ঘটনা পোহৰলৈ আহিছে, য’ত এজন পুত্ৰই পিতৃৰ বিৰুদ্ধে গোচৰ ৰুজু কৰে। গোচৰ ৰুজু কৰাৰ কাৰণ হ’ল পিতৃয়ে লকডাউনৰ নীতি-নিয়মসমূহ পালন কৰি থকা নাছিল।
দৰাচলতে দক্ষিণ পশ্চিম দিল্লীত এজন পুত্ৰই লকডাউনৰ নিয়ম পালন নকৰাৰ বাবে থানাত পিতৃৰ বিৰুদ্ধে গোচৰ ৰুজু কৰে। বসন্ত কুঞ্জ দক্ষিণ থানাত দিয়া এজাহাৰ অনুসৰি, পুত্ৰই কৈছিল যে তেওঁৰ পিতৃয়ে সদায় পুৱা ৮ বজাত ঘৰৰ পৰা বাহিৰলৈ ওলাই যায়, কেইবাবাৰো বুজোৱাৰ পিছতো ঘৰত থাকিব নিবিচাৰে।
যুৱকজনে কোৱা অনুসৰি তেওঁ দৈনিক পিতৃক কৰ’ণা ভাইৰাছ মহামাৰী, লকডাউনৰ নিয়মসমূহৰ বিষয়ে জনাই আছে কিন্তু বাৰে বাৰে পিতৃয়ে তেওঁৰ কথা গুৰুত্ব সহকাৰে নলয়।
আৰক্ষীয়ে এই গোচৰত ব্যৱস্থা গ্ৰহণ কৰে আৰু নিজেই গৈ ৫৯ বছৰীয়া লোকজনক ইয়াৰ বিষয়ে বুজাবলৈ চেষ্টা কৰে। আৰক্ষীয়ে এনেদৰে বুজালে যে বৰ্তমান ১৪৪ ধাৰা অব্যাহত আৰু লকডাউনো, এইখিনি সময়ত ঘৰৰ পৰা ওলোৱাটো উচিত নহয়। কিন্তু আৰক্ষীয়ে বুজোৱাৰ পিছতো লোকজন মান্তি নোহোৱাত পুত্ৰই দিয়া গোচৰৰ ভিত্তিত FIR লিখা হ’ল।
Photo Credit: PTI
