তেজপুৰত সংঘটিত হোৱা শোকাৱহ পথ দুৰ্ঘটনাত থিতাতে নিহত ৪জন যুৱক। তেজপুৰ তেলেৰীয়াত সদৌ অসম ভিত্তিত অনুষ্ঠিত হৈ থকা ফুটবল খেলখনত সোমবাৰে জুবিন একাদশ আৰু তেজপুৰ সাংবাদিক একাদশ মাজত অনুষ্ঠিত হোৱা খেলখন চাই AS-01 AV-9959 নম্বৰৰ টাটা মাঞ্জা গাড়ীখনেৰে ঘূৰি আহি থাকোতে পিঠাখোৱা বৰডুবিয়াত ১৫নং ৰাষ্ট্ৰীয় ঘাইপথৰ কাষত মৃত্যুদূত হিচাপে ৰৈ থকা ট্ৰাকত পিছফালৰ পৰা প্ৰচণ্ড জোৰে খুণ্ডা মৰাত ৪জনকৈ যুৱকৰ মৃত্যু হয়।
মৃত যুৱক কেইজনৰ নাম মৃদুল শইকীয়া, উজ্জ্বল কুৰ্মী, গৌতম দাস আৰু জয়ন্ত নাথ। মৃদুল শইকীয়া, উজ্জ্বল কুৰ্মী, গৌতম দাসৰ ঘৰ টুমকীত আৰু জয়ন্ত নাথৰ ঘৰ ৰঙামাটিত।
